امریکی اخبار وال اسٹریٹ جرنل نے امریکی حکام کے حوالے سے دعویٰ کیا ہے کہ صدر ڈونلڈ ٹرمپ نے ایران کی جانب سے پیش کی گئی 7 روزہ جنگ بندی کی تجویز مسترد کردی ہے۔

رپورٹ کے مطابق ٹرمپ نے اپنے مشیروں سے کہا ہے کہ نومبر میں ہونے والے امریکی وسط مدتی انتخابات کے بعد ایران پر دوبارہ بمباری شروع کیے جانے کا امکان ہے۔

وال اسٹریٹ جرنل کے مطابق ٹرمپ کو اس بات پر بھی شکوک ہیں کہ تہران امریکی مطالبات کو تسلیم کرے گا۔ رپورٹ میں بتایا گیا ہے کہ ایران کی تجویز میں آبنائے ہرمز کو دوبارہ کھولنے اور جوہری مذاکرات بحال کرنے کی بات شامل تھی۔

تاہم، یہ تفصیلات وال اسٹریٹ جرنل کی امریکی حکام کے حوالے سے رپورٹ پر مبنی ہیں۔