انٹرنیشنل کرکٹ کونسل (آئی سی سی) نے ٹی ٹوئنٹی انٹرنیشنل رینکنگ جاری کردی ہے، جس میں پاکستان کے نوجوان بیٹر معاذ صداقت اور فاسٹ بولر سلمان مرزا نے نمایاں ترقی حاصل کی ہے۔
جاری کردہ بیٹرز کی رینکنگ میں بھارت کے ایشان کشن پہلے اور ابھیشیک شرما دوسرے نمبر پر ہیں، جبکہ پاکستان کے ٹی ٹوئنٹی کپتان صاحبزادہ فرحان تیسرے نمبر پر موجود ہیں۔
معاذ صداقت کی رینکنگ میں بڑی ترقی
پاکستان کے ابھرتے ہوئے نوجوان بیٹر نے بیٹرز کی رینکنگ میں 187 درجے ترقی حاصل کرکے 45ویں پوزیشن پر جگہ بنا لی ہے۔
دوسری جانب پاکستانی بیٹر صائم ایوب چار درجے تنزلی کے بعد 42ویں نمبر پر آگئے ہیں، جبکہ حسن نواز تین درجے نیچے آنے کے بعد 52ویں پوزیشن پر چلے گئے ہیں۔
سلمان مرزا بولرز کی رینکنگ میں آگے آگئے
آئی سی سی کی ٹی ٹوئنٹی بولرز کی رینکنگ میں افغانستان کے اسپنر راشد خان پہلے نمبر پر برقرار ہیں۔ آسٹریلیا کے ایڈم زمپا اور انگلینڈ کے عادل رشید ایک، ایک درجہ ترقی کے بعد بالترتیب دوسرے اور تیسرے نمبر پر آگئے ہیں۔
پاکستان کے سلمان مرزا نے بولرز کی فہرست میں نو درجے ترقی حاصل کرتے ہوئے 14ویں پوزیشن حاصل کرلی ہے۔
پاکستان کے صائم ایوب بھی بولرز کی رینکنگ میں آٹھ درجے ترقی کے بعد 54ویں نمبر پر پہنچ گئے ہیں، جبکہ سفیان مقیم تین درجے تنزلی کے بعد 53ویں پوزیشن پر آگئے ہیں۔
ٹی ٹوئنٹی آل راؤنڈرز کی رینکنگ
آئی سی سی کی ٹی ٹوئنٹی آل راؤنڈرز کی فہرست میں زمبابوے کے سکندر رضا پہلے نمبر پر ہیں، جبکہ پاکستان کے صائم ایوب دوسرے نمبر پر موجود ہیں۔
ویسٹ انڈیز کے روسٹن چیز نے دو درجے ترقی حاصل کرتے ہوئے تیسری پوزیشن پر جگہ بنا لی ہے۔
تازہ رینکنگ میں بیٹنگ میں نمایاں ترقی اور سلمان مرزا کی بولنگ میں بہتری پاکستانی کھلاڑیوں کی انفرادی رینکنگ میں اہم تبدیلیاں ہیں۔
مزید خبروں کے لیے اس لنک پر کلک کریں
ورلڈ ٹی ٹوئنٹی کپ 2026: پاکستانی، بھارتی کھلاڑیوں کی بڑی خبر!
