وفاقی وزیر دفاع خواجہ آصف نے سوشل میڈیا پلیٹ فارم ایکس پر اپنی ایک حالیہ ٹویٹ کے حوالے سے وضاحت جاری کرتے ہوئے کہا ہے کہ ان کا مقصد کسی فرد یا خاندان کو نشانہ بنانا نہیں تھا۔
خواجہ آصف نے اپنی وضاحت میں کہا کہ انہوں نے محض ایک دلچسپ اور معقول مذہبی اصول بیان کیا تھا اور اس کا مقصد کسی شخص یا خاندان کے بارے میں ذاتی تبصرہ کرنا ہرگز نہیں تھا۔
انہوں نے کہا کہ وہ ’اہلِ کتاب‘ کے لیے انتہائی احترام کا جذبہ رکھتے ہیں اور اسلام بھی یہی تعلیم دیتا ہے۔
خواجہ آصف کا کہنا تھا کہ اگر کسی حلقے میں یہ تاثر پیدا ہوا کہ ان کی ٹویٹ بالواسطہ یا بلاواسطہ طور پر کسی فرد پر ذاتی تبصرے یا انگلی اٹھانے کے
مترادف تھی تو وہ واضح کرنا چاہتے ہیں کہ ایسا کوئی ارادہ ان کا نہیں تھا۔
انہوں نے اپنی وضاحت میں مزید کہا کہ ان کی ٹویٹ کو کسی مخصوص فرد یا خاندان کے حوالے سے نہیں دیکھا جانا چاہیے۔
