پشاور: خیبرپختونخوا کے وزیراعلیٰ سہیل آفریدی نے کہا ہے کہ گورنر راج یا ایمرجنسی کے نفاذ کی دھمکی انہیں اپنے مؤقف سے پیچھے ہٹنے پر مجبور نہیں کر سکتی۔
اپنے بیان میں سہیل آفریدی نے کہا کہ اگر کوئی انہیں یہ کہہ کر ڈراتا ہے کہ صوبے میں گورنر راج یا ایمرجنسی نافذ کر دی جائے گی تو وہ ایسی دھمکیوں سے خوفزدہ نہیں ہوں گے۔
انہوں نے واضح کیا کہ وہ اپنے نظریے اور مؤقف پر قائم رہیں گے اور کسی دباؤ کی وجہ سے اپنے موقف سے پیچھے نہیں ہٹیں گے۔
سہیل آفریدی کا کہنا تھا کہ وہ ایسی کرسی کو اہمیت نہیں دیتے جو انہیں اپنے نظریے سے ہٹنے پر مجبور کرے۔ ان کے مطابق عہدے سے زیادہ اہم ان کا مؤقف اور نظریہ ہے۔
