Steve Smith 11000 Test Runs
آسٹریلیا کے تجربہ کار بلے باز اسٹیو اسمتھ نے ٹیسٹ کرکٹ میں 11 ہزار رنز مکمل کرکے اہم سنگ میل عبور کرلیا۔ وہ یہ اعزاز حاصل کرنے والے آسٹریلیا کے تیسرے اور مجموعی طور پر دنیا کے 12ویں بیٹر بن گئے ہیں۔
جنوبی افریقا کے خلاف دوسرے ٹیسٹ میچ کے چوتھے روز اسٹیو اسمتھ نے یہ کارنامہ انجام دیا۔ جنوبی افریقی بولرز کی شاندار کارکردگی کے باعث آسٹریلیا کی پہلی اننگز میں اسمتھ بھی زیادہ رنز بنانے میں کامیاب نہ ہوسکے، تاہم انہوں نے ٹیم کی جانب سے سب سے زیادہ 28 رنز اسکور کیے۔
اسمتھ نے 37 سال کی عمر میں ٹیسٹ کرکٹ میں 11 ہزار رنز کا ہندسہ عبور کیا، جو ان کے طویل ٹیسٹ کیریئر میں ایک اہم کامیابی ہے۔
اس سے قبل آسٹریلیا کے سابق کپتان رکی پونٹنگ 13 ہزار 378 ٹیسٹ رنز اور ایلن بارڈر 11 ہزار 174 ٹیسٹ رنز بنا کر یہ اعزاز حاصل کرچکے ہیں۔ اسمتھ اب ان دونوں سابق آسٹریلوی بلے بازوں کے بعد یہ سنگ میل عبور کرنے والے تیسرے آسٹریلوی کھلاڑی بن گئے ہیں۔
اسٹیو اسمتھ کی اس کامیابی نے ٹیسٹ کرکٹ میں ان کے نمایاں مقام کو مزید اجاگر کیا ہے۔
مزید خبریں پڑھنے کے لیے یہاں کلک کریں۔
AB de Villiers Eye Surgery | اے بی ڈی ویلیئرز کی بینائی ضائع ہونے کا خدشہ
Steve Smith 11000 Test Runs
