Punjab Prisons
لاہور: پنجاب حکومت نے صوبے بھر کی جیلوں میں قید اسیران اور ان کے اہلِ خانہ کے لیے مالی سہولیات میں اضافے کا تاریخی فیصلہ کیا ہے۔ محکمہ جیل خانہ جات پنجاب اور بینک آف پنجاب کے اشتراک سے قیدیوں کے اکاؤنٹس میں رقم جمع کروانے کی حد 10 ہزار روپے سے بڑھا کر 25 ہزار روپے کردی گئی ہے۔
گھر بیٹھے آن لائن رقم کی منتقلی کی سہولت
نئی سہولت کے تحت قیدیوں کے اہلِ خانہ اور عزیز و اقارب اب بار بار بینک جانے کی زحمت اٹھائے بغیر گھر بیٹھے آن لائن اور دیگر دستیاب بینکنگ ایپس کے ذریعے قیدیوں کے اکاؤنٹس میں رقم باآسان منتقل کرسکیں گے۔ اس جدید اقدام سے نہ صرف اہلِ خانہ کا وقت بچے گا بلکہ جیلوں میں قید افراد تک مالی معاونت کی فراہمی بھی انتہائی آسان بنا دی گئی ہے۔
حکام کی جانب سے فلاحی اقدامات کا عزم
محکمہ جیل خانہ جات کے مطابق یہ اہم اقدام وزیراعلیٰ پنجاب مریم نواز شریف کے وژن، سیکرٹری داخلہ پنجاب ڈاکٹر احمد جاوید قاضی کی ہدایات اور آئی جی جیل خانہ جات میاں سلیق جلال کی نگرانی میں اٹھایا گیا ہے۔ حکام کا کہنا ہے کہ صوبے کی جیلوں میں قید اسیران کی فلاح و بہبود، ان کے بنیادی حقوق کے تحفظ اور اہلِ خانہ کو ریلیف فراہم کرنے کے لیے ایسے اقدامات کا سلسلہ مسلسل جاری رکھا جائے گا۔
مزید خبریں پڑھنے کے لیے یہاں کلک کریں۔
Sindh High Court : 1 Shocking news | 15 ارب کے فراڈ کیس میں نیب پر عدم اعتماد
Punjab Prisons
