جماعت اسلامی کا لانگ مارچ مؤخر، وزیراعظم کی واپسی کے بعد نئی تاریخ کا اعلان ہوگا
جماعت اسلامی پاکستان نے ملک کی موجودہ سیاسی صورتحال اور عوامی مطالبات کے پیشِ نظر مجوزہ لانگ مارچ عارضی طور پر مؤخر کرنے کا فیصلہ کیا ہے۔
جماعت اسلامی کے مرکزی ترجمان کے مطابق لانگ مارچ وزیراعظم کی غیر ملکی دورے سے وطن واپسی تک ملتوی رہے گا۔ وزیراعظم کی واپسی کے بعد احتجاج کے لیے نئی تاریخ اور آئندہ کی حکمتِ عملی کا باقاعدہ اعلان کیا جائے گا۔
ترجمان کے مطابق جماعت اسلامی کے احتجاج کا مقصد عوامی مسائل اور مطالبات کو براہِ راست حکومت کے سربراہ تک پہنچانا ہے۔ اسی وجہ سے قیادت نے فیصلہ کیا ہے کہ وزیراعظم کی ملک میں موجودگی کے دوران ہی احتجاجی تحریک کو آگے بڑھایا جائے گا۔
جماعت اسلامی کی قیادت کا کہنا ہے کہ نئی تاریخ کے اعلان کے بعد لانگ مارچ سے متعلق تمام تفصیلات بھی سامنے لائی جائیں گی۔
