امریکی صدر ڈونلڈ ٹرمپ نے کہا ہے کہ ایران کے معاملے پر امریکا کو جلد ایک اہم فیصلہ کرنا ہوگا، جس میں معاہدہ یا مزید فوجی کارروائی دونوں امکانات موجود ہیں۔

وول اسٹریٹ جرنل سمیت مختلف رپورٹس کے مطابق ایران اور امریکا کے درمیان کشیدگی کے خاتمے کے لیے سفارتی رابطے بھی جاری ہیں، تاہم دونوں ممالک کے درمیان اہم معاملات پر اختلافات برقرار ہیں۔

ٹرمپ نے صحافیوں سے گفتگو کرتے ہوئے کہا کہ معاملہ کسی نہ کسی طرح بہت جلد ختم ہو جائے گا۔ انہوں نے ایران کے ساتھ جاری جنگ کے حوالے سے بھی کہا کہ امریکا اسے ’’کسی نہ کسی طرح‘‘ بہت جلد جیت لے گا۔

اس سے قبل ٹرمپ ایران کے ساتھ معاہدے اور فوجی کارروائی دونوں کے امکانات کا ذکر کر چکے ہیں۔ 22 ستمبر کو اقوام متحدہ کی جنرل اسمبلی سے خطاب میں بھی انہوں نے کہا تھا کہ ان کے سامنے ایران کے ساتھ معاہدہ کرنے یا سخت کارروائی کرنے کا فیصلہ موجود ہے۔

دوسری جانب ایران نے جنگ کے خاتمے اور آبنائے ہرمز کو دوبارہ کھولنے سے متعلق تجاویز پیش کی ہیں، جبکہ امریکی حکام اور ایرانی حکام کے درمیان ثالثوں کے ذریعے سفارتی رابطے بھی جاری ہیں۔

اب توجہ اس بات پر ہے کہ آنے والے دنوں میں واشنگٹن اور تہران کے درمیان مذاکرات کسی معاہدے تک پہنچتے ہیں یا کشیدگی مزید بڑھتی ہے۔

source:Geo